Një ngjarje e rëndë është regjistruar mbrëmjen e kësaj të mërkure në Fier, ku një i moshuar është përplasur për vdekje nga një automjet.
Policia bën me dije se aksidenti ndodhi në aksin Fier-Vlorë, në fshatin Ferras ndërsa viktima është i moshuari me iniciale Y. T., rreth 70 vjeç.
Autori i ngjarjes nuk është identifikuar ende dhe hetuesit po punojnë për zbardhjen e rrethanave të aksidentit.
Njoftimi:
Fier / Informacion paraprak
Rreth orës 17:30, në aksin rrugor “Fier-Vlorë”, në fshatin Ferras, një automjet me drejtues ende të paidentifikuar, ka përplasur shtetasin Y. T., rreth 70 vjeç, banues në fshatin Fitore, i cili dyshohet se ka qenë duke lëvizur me biçikletë.
Si pasojë e përplasjes, shtetasi Y. T. ka humbur jetën.
Grupi hetimor po punon për identifikimin dhe kapjen e drejtuesit të automjetit, si dhe për zbardhjen e rrethanave të aksidentit.